Рубрика: Մուտք կրթահամալիր

Այսօրը սկսեցինք Արևմտյան դպրոցում: Շրջայցով ծանոթացանք դպրոցին: Այնուհետև զբաղվեցինք ձիերի ու բույսերի խնամքով: Մասնակցեցինք շախմատի դասերին ու որոշ չափով սովորեցինք շախմատի գաղտնիքները: Այնուհետև երգեցինք ու պարեցինք: Մարինե Մկրտչյանի հետ երգեցինք Կոմիտասի  « Մանկական աղոթք » երգը, որից հետո պարեցինք Թամազարա ազգային պարը: Այս ամենին հաջորդեց հանդիպումը՝ Նելի Արղությանի հետ, ում հետ քննարկեցինք բազմաթիվ հարցեր։ Վերջում ներկա գտնվեցինք
« Մխիթար Սեբաստացի » կրթահամալիրի Մայր դպրոցի Մարմարյա սրահում, որտեղ Մխիթար Սեբաստացի կրթահամալիրի տնօրեն՝ Աշոտ Բլեյանը քննարկեց 2019-2020 թթ. ուսումնական տարվա նախագծերը:

Այսօր մուտք ճամբարի առաջին օրն էր։

Հավաքվեցինք կրթահամալիրի քոլեջում։ Կատարեցինք շրջայց քոլեջում` քոլեջի ղեկավարի հետ։ Շատ հետաքրքիր ու բովանդակալից էր ամեն ինչ, հատկապես գինիների ու կենդանիների սենյակները։ Այնուհետև ունեցանք մանկավարժական զրույց՝ տիկին Մարիետ Սիմոնյանի հետ։ Խոսեցինք մեր համալսարաններից, այնտեղ ստացած մեր կրթության որակի ու մակարդակի մասին, թէ ինչքանով ենք գոհ, կամ դժգոհ մեր ստացած կրթությունից։

            

Անվանումը ` Ընկերները մեր կյանքի անբաժանելի մասը

Նախատեսված է ՝ 5-6-րդ դասարանի սովորողների համար

Մասնակիցներ՝ սովորողներ

Իրականացման տևողությունը ՝ կարճաժամկետ

Նպատակը ՝ վաղ տարիքից երեխաների մեջ արժեքների ձևավորում։

Նախագծի ընթացքում նախատեսվում է (ակնկալիքներ, արդյունքներ)` որ երեխաները էլ ավելի կմտերմանան միմյանց հետ ու արդեն շատ ավելի լավ պատկերացում կկազմեն ազնիվ ու անշահախնդիր ընկերության մասին։

Միջավայրը (նշել իրականացման վայրերը)` դպրոց, տուն

Անհրաժեշտ գործիքները՝ դինամիկ, էկրան, նոթբուք

Կիրառվող մեթոդները՝ խմբակային աշխատանք

Ուսումնական գրականության, այլ ռեսուրսների ցանկ՝ գրքեր, համացանց, 

այլ (ուսումնական ֆիլմ, մուլտֆիլմ, տեսանյութ, տեսադաս…) տեսանյութ, ուսումնական ֆիլմ

Նախագծի իրականացման ընթացքը՝

Սովորողներից յուրաքանչյուրը կաբաժանվեն մի քանի  խմբերի, յուրաքանչյուր խումբ կներկայացնի ընկերությունը իրենց աչքերով, համացանցից, գրքերից դուրս կբերեն ընկերությանը վերաբերող ասույթներ, թևավոր խոսքեր կամ տեսանյութեր։ Նրանցից յուրաքանչյուրը պետք է պատմի իր ամենամոտ ընկերոջ մասին, նրա բնավորությունը։